He-Ne-Ni

最近有好幾次機會聽到呢首歌《He-Ne-Ni我在這裡》。以前都識，但最近一個月就唱左三次，好感動。詩歌歌詞內容乎合聖經有現代message，係現代詩歌中可謂鳳毛麟角。剛好呢段時間讀緊《以賽亞書》，就順手查下呢幾個字係原文的意思，過去呢度睇吓:「我在這裏，請差遣我！」唔重覆啦。

呢首歌最好的地方是那旋律，有點哀怨悲涼，係呀，以賽亞蒙召時，係好悲涼。而我們今日要去領受使命的挑戰，也不是因為要自我實現、要發揮潛能、要浪漫，但當然，也不是要我們去死。不過，回應一個悲涼的處境又是確實的。

上週日崇拜遘宣教，我在反思，到底感動人去參與宣教是不是一定要落葯在悲情困苦之中？講員並不是一面倒說好慘，好需要你等等，也提到個人先去看看了解今日的中國是怎樣的，去受感動。但有時太過理性的表達就是沒有效果，我知道了，那又怎樣？訴諸感情，甚至煽情也許會有即時的回應，但如何持久？又如何保持煽情之餘又不偏離事實？

要繼續想想。