無意中發現隻貓影左亞針呢張相...到底七歲半係咪仲應該玩緊六歲以前啲玩意呢？
話說我哋習慣洗衣及乾衣後，兩姊妹各自負責收拾好自己啲衣物，通常亞針最熱心，連個籃都攞埋過去自己房，整理好後再攞返過黎。呢日照常營業，但佢攞左個籃過去就無返過黎，原來，佢係裡面睇晒成本書！
不過，正面一點，攞個籃咁坐，其實都無咩問題啫，只係...係呢度生活，又真係好悶。無車不能出門，因此，凡事都要家長陪同，這本應是很好的，相反，就好似係度浪費光陰咁。亞妹還可以自得其樂，咩都玩得餐，只是有點擔心家姐，佢形容呢度係傷痛回憶：無朋友，無樂趣，但有的是時間...
15 comments:
其實佢都幾有創意wor! 看書唔一定要坐係椅度, 可能起個籃度看書, 吸收得仲好呢! 大人都可以學吓佢, 不過小心坐左落去上唔翻黎! 我下次都試吓坐響個籃度溫希臘文先!
長洲拉
係囉, 咁你又試吓囉, 遲下身形變左就無得玩...
我們這個也是這樣,只要是籃,不是坐著就是頂著當帽子......不過我們這個三歲:)
都該鼓勵一下家姐參加youth group的聚會吧,至少放心一點
家姐肯跟教會內同輩的講多句我都無咁擔心, 不過, 在學校有CEF的小組, 一個星期聚一次, 都OK嘅.
三歲咁樣玩法係好cute,到左六歲仲係咁玩, 都好得意, 但到左八歲, 十歲... 唔知呢...
睇下你個籃幾大啦, d浪漫的愛情故事多數都係向海大屋外都有個swing又或者吊椅的. 咪又係籃的變身?
常聽到一般父母抱怨話自己d仔女大得咁快, 無曬童真; 你就問七歲半係咪仲應該玩緊六歲以前啲玩意. 你係咪又曬緊命?
我就覺得佢好得意啦.
我諗一般父母唔係抱怨啲細路大得快, 而係驚訝居多. 驚訝係因為無想像到或者未預備好啲細路咁快又大一截, 有時係父母未預備好點樣做teens的父母, 件細嘅就已經升緊中學. 又或者, 剛剛學會做呢個年紀孩子嘅父母...過左呢個年紀拿!又要再學過!
理論上, 佢坐咩都無問題, 事實上我又真係覺得佢好得意, 不過, 呢個始終係我嘅問號: 佢幾時先唔咁玩, 到時又玩咩?
心底嗰句係: 好期待佢又攪啲新嘢囉!
亞針可能話,讀下書嘛,邊度都得嘛,你地討論什麼呢?哈哈!
another observation
點解個個小朋友的野都擺地下呢?我地小姐們的房間有時會看不見地面的,是因為有地毯?以前在香港又不見她們把東西放在地上?其實地毯髒過地板好多呢,我已經完全放棄了(不再叫她們收)
做家姐唔易ga。
做家姐點都係承受比細妹多d既回憶。以我為例:細妹記得件事好似係開心既，我就總記得多dd唔開心既相關片段；佢記得有粒糖食，我就記得我冇得食...同一件事或同一個場景，都因為2種性格&年紀而變得不同。
到左宜家，我細妹都係最引「到」人注意o個個。
Tam Tam果然觀察力強, 呢日已經係最"整齊"一日. 還好, 只係亞妹先隨時隨地放下任何物件, 裡裡外外的衣服, 紙張, 書本, 文具... 好似除左食物外, 咩都可以隨處放. 我發現佢唔係有心亂放, 只係無心整齊. 唔知需唔需要apply特殊教育的方法呢:<
Oska, 唔好意思, 鉤起你啲傷心事, 希望"承受" 可以早日成為享受!~旅途平安~
亞針連個人都成日放係地下, 野就更加唔洗講.
完全同意,看書做功課吃東西沒有一樣不在地上
我們有一個是有心亂放,但很有能力整齊的,不過越叫越亂,另一個是無心亂放,越整理越亂,有收和沒收一樣
不是批評,是有感而發
咁可能要帶佢哋去短宣, 特別有垃圾山嗰種, 如埃及, 柬埔寨等等.
呂太太，我個妹都係成日放曬D O野O係地下GA WOR ... 哈哈!咁似呂細妹既?HAHA!
師兄，受得住受得住，因為往事已經成為吹水既工具了，哈哈!
Post a Comment