謝謝哋

禮拜日去講道，當日精神其實幾差，因為前一晚勁大風，露台張蓆同埋樓下唔知邊位嘅風玲成晚係度合奏。加上我們一家先到另一間教會聚會，到了中午已經謝謝哋。

這間教會有一半以上是老人家，每次在這裡講道，有一半老人家都會係度垂釣。有三至四份一是新信主的，另外又約有三份一係講國語的，因為我一面講，另一位弟兄即時傳譯，因此預備時要把大量極為傳神廣東話刪去，真係大打折扣。又加上我講的是傳道書，面對新信主的受眾來說，確實不容易明白，於是要多花點是間重覆背景。

下台後，好攰。當散會時跟會眾握手時，部份有正面回應，這很明顯是聖靈的工作。當我覺得好唔掂時，總會有意外收獲。

之後，途經一間market，趁大姊來了，便去搜刮健康又美味的菜餚原材料。唉，有句話叫越窮越見鬼，個半鐘，有一個鐘頭係度排隊：一年無買魚，買一條魚排半個鐘，連比錢個counter都遇著個trainee，使唔使係繁忙時間train人呢？

回家後，用盡最後半點精神寫leadership 書介，之後盡力多讀一本書，做埋review至收檔。

生產力甚低！