大選之後

這兩日美國人好似好高興、好興奮、好感動...是因為選了第一個黑人總統？

有論認為，之後拉丁裔的、亞裔的、華裔的都有可能成為美國總統。似乎奧巴馬為許多許多美國人，尤其少數族裔帶來希望。這是美國國內歡迎奧巴馬當選的原因之一。

不過，奧巴馬當選，連世界各國都元首都好高興，又滿懷希望喎！佢老哥原屬肯尼亞，肯尼亞人不知將高興，還把前日定法定假期，慶祝他們出了一個美國總統。一些元首話希望以後可以同美國合作（以前唔可以咩？）、又一些話可以停止戰爭（即係仲打緊仗）、又一些話可以傾計（即係以前到現在都無計傾）。總之，你稍有留意，呢啲元首的回應都語帶雙關。

咁即係話，奧巴馬的成功原因之一，或許是主因，就是布殊做得太差。係差到一個地步，全世界都急急腳要跟他劃清界線。美國的種族成見其實很深，難怪這次由黑人做總統，大家都興奮。歷來的總統全是白人之還，還只有甘廼廸是天主教徒，其他都是基督徒。

不過，這又不代表甚麼，只代表基督教文化源遠流長。其實，美國的基督教文化，跟基督教信仰越走越遠，至少基督教最重要的精神，捨己犧牲的愛在這裡便不多見。更多的是為個人選擇與自由，為自己的權益、成功與方便著眼。

難怪......