如果唔係個IE唔生性，都唔會下定決心試用其他browsers，我試過兩個，最後都係用firefox。原來好多人都轉用了firefox，要多謝ddd出手，離岸幫我攪掂個看似簡單，但我又唔識攪嘅難題。其實，做電腦的programming係咪有種創造feel可以帶來滿足感？如果technical support都有滿足感的話，那是不是來自problem solving？
我諗好多人同我一樣，一上網就用IE，雖不至於有感情，但用落就有了安全感（不管佢其實係幾唔安全），不想試新野。不過，呢個世代唔多講忠誠，就其商品的選擇上，那裡有好野有平野，即轉唔貶眼。而且，好多野係需要忍兼不能改變，但也呢個世界仲有好多野係可以選擇的。在可以選擇與不可選擇的事情上有了清晰的界線，消費主義式的轉換product又何妨？我不是，也不需justify自己轉用browser，而是想到今日教會的消費主義。轉教會，甚至經常都在搵教會的信徒便屬於視教會為消費產品一樣，呢間教會像microsoft，那間是dell，這間是oracle...隨時轉。有啲野，還是無得揀好...
用左幾日firefox都覺得佢又快又方便。只係上blogger煩啲，每次係word copy啲文，publish之時都出現問題，就係html裡面多左啲code，每次都要返去IE upload啲文章。還要繼續適應...
4 comments:
在blogger寫野時, 文章上有兩個tabs, [修改 Html]和[撰寫], 你可以選前者然後才paste, 這樣應該可以避免paste埋word的format問題.
我認為programming的確有快感, 但那快感並不來自programming, 而是來自創造創作. programming不會產生創作, 反之, 先有創作, 再利用programming去實行出來.
我最大的滿足感, 是來自想到一些idea, 然後叫d同事implement出來, 跟著感受同事讚譽的目光 :)
problem solving也可以有很大滿足感的, 只要是那problem很有啟發性. 可惜大部分technical support遇到的問題都很平淡但惱人
今時今日轉轉轉的行為真係比以前普遍左很多, 我估其中一個原因係轉的「交易費用」減低了很多.
以前轉software, 要買過要學過新野, 但現在所有sw都可以唔洗錢, interface又差不多; 以前轉教會就失去前教會, 但今日憑msn facebook, 幼稚園同學都找得返, 又那懼失去聯係? 以前換女朋友會把舊情人變為仇人, 但今日再見亦是朋友, 重邊有人咁小器?
用html版又得喎, 果然係ddd。
所以呢，人係有神的形象，祂的創造性就係最明顯的例子。
唔知係problem solving的本質係咪其中一個主因，電腦行業以男性為大多數，男人都偏向邏輯、直線等以解決問題為方向的思維方式運作，這也是不少男性跟女性相處出現問題的原因之一。
所以忠誠被理解為愚忠的比例越來越高，九年前我話我已經係呢間公司工作左五年，有人即時瞪大雙眼話：咁耐？我係呢間公司做左三年已經覺得好耐，好想轉工！聽聞今日的上海，平均九個月便轉新工。可能有朝一日，係一間公司工作十年以上就會變成負資產！
Post a Comment