意思係，終於可以全速進發寫文。原來完整的tutorial paper比想像中難，就算十二月初唔返香港，兩個禮拜都未必夠時間原成，因為沒有經驗，在整個學期讀書時沒有明確的論文Ｆ，到寫的時候要重新聚焦同構思，基本上同重新睇過晒啲書無咩分別。
我比自己的安慰是，第一個tutorial是分上下兩parts，交唔同野，簡單好多，第二個算係真正的doctorial tutorial，當吸收經驗，而且內容並不是我最熟識的，以前係神學院基本上沒有接觸過leadership theories，睇得幾多書都無助，因為無經過學術思考的過程。期望以後的Ｔ會暢（順）快（手）啲。
我估計仲要寫多一星期先完成first draft。手頭上仲有其他書要睇同文要寫....繼續仰望恩典。
另外，唔知係咪成日對住部腦，有啲悶，學人食零食，有一日下晝裝左四個球嘅雪糕，全部係唔同味嘅Ben & Jerry，無法啦特價，用香港三份一至一半價錢買到，還加幾塊chips...食食下，我問自己：做咩滿口垃圾？
不過，我會繼續食，直到體重上升......就食少啲囉！
4 comments:
宜家你明點解我話自己係"junk food queen"啦,吃零食,"對"咖啡這些"壞"習慣都是讀博士班時養成的,我博一的office在個trailer裏面,比家裏還安靜,還少打擾,整天坐在那裏不動,不吃做什麼呢?
有兩個解決辦法,
(1)盡量去圖書館看書寫文,因為圖書館不能飲食
(2)盡量在孩子在家時看書寫文,在孩子面前節制好多的!總要做個好榜樣嘛!
哈哈,加油!!
放心啦，只要連續吸收OVER你平日所需既卡路里多過500，應該一星期之後你就會重GA NA!
繼續努力呀下!haha!
我本來都係去圖書館睇書寫文, 依家一來搬遠左; 二來我用好多書, 有時唔知帶咩書返去, 又唔想帶成堆書跑來跑去; 三來接女放學的時間便是我回家的下限, 不能整日留在同一地方動也不動; 四來, 除左亞妹外, 屋裡面都無人打擾我, 都好靜.
肥都無所謂啦, 遲早都會脹, 只係比定啲心理準備自己啫. 食零食呢方面, 我暫時都能收能放, 遲啲就唔知...
遲早都會脹?
嘩，咁恐怖?
Post a Comment