得個等字

我個mentor話要六月尾至七月初先可以安排到時間做mid-program defence，即係有少少似中期試，讀了一半的課程要成立一個committee去評審我的研究題目與範圍可不可行，不可行便再改，可行便說是批準入field 做research。

不過，我哋呢個課程又有少少彈性，唔使等佢通過都可以做research。但呢個程序係要做，互相鋤下先至係正常又健康的學習風氣。我唔怕過唔到，但就算唔怕都要準備，都會緊張，所以都係要好好禱告。

我怕係之前約professors入呢個committee會不太順利。事關我的guided committee只有兩個成員，一個係mentor，一直都好關照，佢點忙都會理下我，又好supportive。另一個係穩形人，上次見個個真係係去年一月，email又唔覆，幾乎以為佢死左。跟佢做一科independent study，佢只係print左以前教過類似一科的outline及一些recommended readings，我問佢問題無反應，無comment，要交分時佢就交，我唔問academic advisor都唔知我咩grade。我已經提出左一次要換佢走，今次再約時間，要先confirm佢至可約其他professors，我比一個禮拜時間佢覆我email，無反應的話，我會強烈(x10)要求換人。要認真學習吓啲投訴文化！如今只可以等。

這情況下，我回港日期的安排就只可hold住，已知的就是一些曾經可能有機會應承的聚會便不能出席了，抱歉抱歉。請記念，呢段時間好充實，好靠信心。