至陰至寒

過去我是怕熱不怕冷，今時間日，啲細路著住t-shirt，我就大褸一件。可能全屋最凍係我呢個位置，所以朝早開工會覺得好凍。

有幾日看到外面有成攝氏廿多度，華氏七十幾，我仲覺得好凍，又褸又冷衫。經檢討後，發現唔係因為呢個位至陰至寒，而係我靜止太長時間！我真係好需要好需要運動，如果唔係，就三十度都著大褸，真係就快死！

不過，呢幾日又雨又凍，遲啲再講...