噼嚦啪嘞

是用來形容我條脊骨響聲。

話說昨晚與同工夫婦晚膳，談到Wendy、談到我們隊工的代禱需要，當然提到最重要的一項，也提到負責人條硬頸。同工想起有一位武林高手，推拿甚為了得，經他一摸便知道你的傷處；經他一推就能判斷你何時復原。據說，沒有人需要超過三次推拿才康服。

我心口痛已有數月、背痛數年，加上可以為硬頸弟兄先試醫的偉大理由，食完飯便飛車去睇醫生。

又聲聞這位醫師皮氣古怪，收費準備在於他的心情。同工太太叫我勿作聲，由她處理付費的問題。

我簡單講了我的病情，他低頭沉思，二話不說便入去準備。經他檢查，說我脊骨十二節有九節歪了！

噼嚦啪嘞推了約半個鐘：前後左右側都試過，仲啪埋我條頸。他一邊砌一邊講解給身邊扮熱心想做佢徒弟的她聽，這邊歪那邊朣等等，又說環環相扣、互相影響云云，不處理好下面，便不能處理頸骨。據說他很有醫德，要麼不出手，一出手就要徹底醫好你。之後，他說三天便會好，要好好休息。

不過，講到錢...最後我都唔知比左幾多，因為同工堅持代付，只知道花了半小時以上氹佢高興，仲加左兩次錢...諗深一層，如果真係可以醫好，比多幾百都底，因為物理治療一次都幾百！

佢張咭片這樣寫：武術世家宗鶴拳師。

原來係江湖中人，係怪醫一族，難怪難怪。我好番，一定大力推薦！