過去十多年，我係香港幾乎無飲過咖啡，因為頂不住咖啡因，早上飲了中午會有心悸，加上生活與工作的壓力，在港大部份時間都有不同程度的失眠。就連飲綠茶也只可以在上午，中午過後最多可以飲奶茶。只有出差例外，就算晚上飲咖啡或濃茶都無問題！
到了美國後的第一年，失眠問題完全消失，於是我開始被這裡的咖啡文化所薰陶/感染/侵蝕。由於家裡沒有咖啡機（試過有一個壞的，不過就算無壞都唔識用！）又不會短時間內飲好多好多，所以只能飲用即溶的。半年前家裡買了太子牌的Express 3 in 1 Instant Coffee Mix，封面係寫住Cappuccino的，一試之下驚為天人，可算得上畢生難忘。以我這"吃得苦中苦"的個性，為娶老婆連浸過酒的老鼠仔也照吞的能耐，也接受這杯似咖啡，又以竹庶茅根精的勁甜勁差勁難飲的所謂咖啡！（就算係咁，我都飲左唔少！）
今日終於得到解放，昨日係機場接完同學仔同佢一齊去market入吓貨，買了UCC的即溶咖啡（唔係三合一，甜味可以自己話事），以後唔使飲竹庶茅根精味的咖啡。
因我體重回到最標準的階段，於是再試吓加啲low fat milk去又有另一番滋味！
15 comments:
講好了,你來Eugene,我日日煮靚咖啡比你飲：）我一天可以喝一pot,喝茶更是牛飲,台灣的高山茶是我的最愛,不過你上次說的”龍頂”就沒試過
好多人喝咖啡加一堆糖,如同喝糖水,把咖啡的香味都壓下去了,還把咖啡變酸了,實在不識貨！
搬到三樓辦公, 其中最大分別, 就係每天上/下午便會聞到Lucilla 沖咖啡的香味.
好似都會醒神少少, 尤其是係三樓, 我越來越 "I".
下..老鼠酒?你講真ga? ( d 姊妹咁激?)
咖啡呢家o野，都真係幾個人化。看看Liiy能否得到你青睞先!
我又學吓人逐個回應先：
Vera, 嘩，我好期待呢，到時我應該還在jet lag中，要好好學吓咖啡精的絕學！咁我都帶啲好野同你分享。
Jennifer，我"閒"慣啦，係香港不能飲，閒吓都滿足。
Oska，我係講真嘅！
OSKA, 老鼠酒中的小老鼠係為佢預備的:P
有無考慮將來把 "吞浸過酒老鼠仔" 成為選婿的考核環節之一呢? :P
UCC instant coffee 的確不俗的, 無論如何也不會如太子牌那隻一樣"驚為天人"~
下..真ga...唔係gar...咁都吞?
呂太太肯定個心甜曬啦!(雖則件事其實都幾恐怖)
呂太＆wendy，你都唔知呀，我同我男友講呢件事，諗住佢會畀返個幾sweet既answer我聽，點知佢呢個INTJ人竟然諗左個好奸仔既方法避開此劫...激死我！有機會話你知，唔好O係度教壞人。
記得去年帶LeFever 及其有趣的丈夫到長洲一天遊, 帶他們到街市影游水海鮮, 吃蒸蝦, 魚面珠, 已經樂得飛天. 見到餐廳浸蛇酒, 她的丈夫居然想試, LeFever 極力阻止並表示噁心. 好勇敢的美國人.
奉勸各位, 老鼠酒啲未開眼嘅老鼠仔, 雖然好補, 但未經專人訓練, 係唔可以學效的, 唔好亂學. 如果唔係, 結唔成婚事小, 攪出人命事大!
仲有, 暫時呢個環節係我嘅專利, 無第二個人可以做到, 我都唔想見到有第三個人可以做到(第二個係我個判郎, 佢同我一齊吞!所以係我一世嘅好兄弟!).
而"吃得苦中苦, 方為人上人"係我座右銘, 註定呢一世都係度"吃苦"!:p
支老鼠酒係我亞Ｅ係我出世果年自己浸的，也在我結婚那年開封, 街的老鼠酒...三思啊...
Oska, 或者我估到約拿單先生點答~
wendy，你咁叻估到?
快d靜雞雞話我知!
Post a Comment