還記得多年前經友人介紹，試過日版一丁，的確與我們慣食的有所不同，更彈更香。在香港買到的，比港版的貴一倍，當年要成六蚊一包。日版一丁雖"正"，但也不致於要花雙倍價錢吧！在三藩市偶爾走入Japan Center一間類以日本城的店鋪，竟然比我哋發現日版一丁，價錢比這裡的港版一丁還要平，約港幣兩蚊多一點，即刻想入一箱，可是店員話無貨。只有買幾包頂住先。
還未在LA見到，不過，早晚會比我發現。
孔子認為顏回知足常樂，一簞食，一瓢飲都能滿足他，我也有這樣期望，不需要大餐，合心水便可以很簡單的了，例如一碗日版一丁，最好加餐旦，再加杯港式奶茶！一碗丁、一奶茶，賢也！哈哈！
16 comments:
公仔面果然會食壞腦的!
我地沒有港版更無日版 不過有美版的（cooment無法post照片 圖片是湯面不是公仔） 牌子也是Nissin的Top Ramen Oodles od Noddles....說明是Nissin Top Ramen is America's Original Ramen Noodle Soup and a family favorite since 1970....Made in USA的 味道ok, 我們不常吃公仔面所以不能做評論 不過應該平過港版日版很多 下次你試下
我們每次上Portland就買港式奶茶包 到目前為止都還沒有一種像港式奶茶 都只是個甜字
今日團契應該會見到亞Tim了 掛住我的中文書啊 興奮興奮 多謝先啦：）
噢...餐蛋一丁加港式奶茶, 世上還有更好吃的嗎? 讀到我口水流......
港幣兩個幾就買到一包日版一丁, 超值呀! 宜家通脹勁, 一包港版一丁唔特價就要港幣四個幾!
我剛剛先食左碗，仲同媽咪講左句:「宜家D出前一丁(當然是港版)都唔好食既!」
今日路經一間日本超市, 非常失望, 對回港幣成8蚊一包, 點解差咁遠架!
準確點說, 這是即食麵, 公仔麵係另一品牌的即食面. 中午無嘢食,咪只有搵一丁係做伴囉!
我哋平日係度食既, 其實係日清另一隻由美國本土製嘅即食面, 叫甚麼ramen, 但就好平, Walmart最平, 當日仲係唔係一蚊港幣一包,依家就唔知有無加價, 味道好似福面咁.
Oska, 其實係咪唔識煮呢, 煮好味嘅丁面係一門學問, 水滾先放麵, 八成熟時要熄火焗佢一陣. 啲水唔好要,另加清湯或清水, 同時撈適量味精, 最後先加痳油. 每次只可煮一包,不能浸水太耐, 煮好要盡快食, 如果唔係啲麵及太多水就太浪費, 唔好食.
我細個好中意食福麵同超力牌.
我都覺得煮即食麵有學問, 我發覺媽咪煮的即食麵, 總係好食過我煮的好多好多.
Oska, 下次你來我家, 可以同我媽咪講:"Autie, 你煮個粉我食丫?" hahahaaa...
嘩你講到咁專業, 下個月我黎你屋企, "公仔麵加蛋", 唔該. 睇下係咪真係咁好食?
wendy, 唔係麻, 妳媽咪連公仔都有一手! 我可唔可以呢你屋企大食一餐? 由粥, 公仔麵, 珍多冰, 通心粉....應該要很多餐才吃得下喎!
最簡單的菜式才最考功夫嘛, 有幾奇?
嘩!師兄乜你咁pro 既?!
個麵我媽子煮，所以我都唔知佢點整。
你對食，都唔係冇要求啦，哈哈哈!
係呀, 我個家族都係識食一族, 家中除我和對上一個哥哥外, 全部可做大廚. 但人在江湖, 總不能下下提出自己對食的要求, 否則死無全屍, 此乃生存之道.
乜原來有d咁深奧既原因在背後，睇下以後在你面前都係收歛一下好...唔好扮食家。
以後，我都係學你收埋d，做人都係...下..低調 d 好 !!haha !
要求自己才會有進步, 所以有要求就要靠自己喇 :P
Post a Comment