回復正常

意外過後一個多星期，無風無浪。

我每週去帶查經的一間小型教會，有一弟兄主動協助，出動他的世叔伯幫我免費驗及整車。當然，要收費的部份是不包的，例如換零件。但經過專業意見評審，結案陳詞說：不用整。個bumper係樣衰啲，但要換的話，工程不少，最少要花上US2000大元，算了吧！

不過，倒要感恩的是：如果大力一啲，個airbag就彈出，現在免去一大截煩瑣事；另外，camry的設計同其他車唔同，個水箱係右邊唔，如果係左邊，一定撞到要整，咁就牽一發動全身，無得唔整。個世叔伯話：你真係好彩；我話；我真係好大恩典。

到隻指。係美國睇醫生真係幾煩，查左半日先確定邊間珍所有得睇又有保險，加埋預約，等左一日半先見到醫生。醫生見你前有兩個助手先同你問問、睇睇、照x-ray。最後，醫生係入門口前一句：Otto, what happen to you?

入門後，知我講普通話，便說：斷了！我說：沒有這麼嚴重吧，只一點點腫而已。他給我看x-ray照，我更不相信他所講的。入門不到兩分鐘，他吩咐個助手整個finger sprint就收錢。當然，之後梗係問問香港嘅吳醫生啦，佢講嘅程序同呢度個醫生做嘅係一樣，不過，這程序係做係最壞嘅情況下，我呢，並未到這嚴重的地埗。

手指指四五日後，已回覆正常，現在打字又＂鍵＂步如飛。上個禮拜你同我msn, 見我回email都只係一句起兩句止，就知道我係有事啦。

心理關口方面，想起當日當時情景都有點怯。但只要兩個女對我有信心，我就無事。家姐用文字舒發了她的感受，小的則早已大叫大喊宣洩，上週還在行車時扮剎車聲，今日，無野啦。今朝經過該灣位時仍見到當日短短的剎車痕，好想再遇返當日見到的兩位司機，再親口向他們say sorry。